Së shpejti, Saranda do të ketë në një mjedis publik, tre buste në bronx për perjetësimin e Heronjve të Popullit: Vasil Laçi, Lefter Talo dhe Mitro Xhani. Vendi i përzgjedhur është Lulishtja e Shëtitores “Hasan Tahsini”.
Më 7 prill të këtij viti kjo kërkesë u përsërit në 82 vjetorin e rezistencës antifashiste ku u rikujtuan figurat kryesore të kësaj lufte si Mujo Ulqinaku, Vasil Laçi, Kajo Karafili, Mitro Dhimërtika dhe anëtarë të tjerë që i bënë ballë pushtimit fashist në 7 Prill 1939.
Kjo kërkesë është paraqitur prej vitesh dhe Neriman Gjivogli, kryetare e Komitetit të Veteranëve dha një përgjigje në prill se fondi përkatës për këtë shqetësim është vënë në dispozicion dhe bustet janë në përfundim e sipër.
Nga punimet që po kryhen tashmë duket se kjo ditë është shumë afër.
/sarandalife.al/