Eshtë transferuar ditët e fundit nga Komisariati i Sarandës shefi i Policisë Rrugore. Mehmet Çeli, që prej tre vitesh drejtonte blutë e rrugores në Komisariatin e Policisë në Sarandë, u transferua në një pozicion më të lartë. Çeli u transferua në Drejtorinë e Policisë Vendore Vlorë në pozicionin e shefit të Rendit.
Periudha tre vjeçare që blutë e rrugores të Sarandës u drejtuan nga Mehmet Çeli vlerësohet e suksesshme dhse përballoi me sukses të gjitha problematikat e trafikut rrugor, përshirë këtu periudhat e mbingarkesës së flukseve gjatë sezoneve verore turistike, por edhe periudhën
e pandemisë. Nuk kanë qenë të pakta rastet kur në shkelje të rregullave të qarkullimit apo të parkimeve të gabuara është kërkuar prej tij edhe ndihma e karotrecit, i vënë në dispozicion nga bashkitë e jugut, gjithëçka në normalizimin e qarkullimit rrugor në hapësirat publike. Ende nuk është bërë publike se kush do të drejtojë tashmë blutë e rrugores së Sarandës.
Shefi i Policisë rrugore të Sarandës Mehmet Çeli, transferohet në Drejtorinë e Policisë Vendore, Vlorë
- Advertisement -