Punimet për rikonstruksionin dhe zgjerimi i rrjetit të ujësjellësit Krongj-Finiq, në bashkinë e Finiqit vazhdojnë me ritme të shpejta, bëhet publike nga vetë bashkia. -Punimet për rikonstruksionin dhe zgjerimin e rrjetit ekzistues të ujësjellësit Krongj-Finiq po vazhdojnë me ritme të shpejta, ku përfitues janë komunitetet Finiq, Vromero, Karahaxh, Vrion, Mesopotam, Shelegar, Bistricë, Çlirim. Kryetari i Bashkisë së Finiqit z. Kristo Kiço, gjatë vizitës së tij për të ndjekur ecurinë e projektit theksoi se ” Punimet po vazhdojnë normalisht që prej muajit mars 2021, ndërkohë që sipas parashikimeve përfundimi i projektit të mësipërm do të jetë më i shpejtë, përpara afatit të përcaktuar, duke furnizuar me ujë të pijshëm dhjetëra familje, duke i dhënë fund një problemi kronik që mundon komunitetin lokal..”.