Një shqiptar është qelluar me dy plumba mbrëmjen e sotme në qendër të Athinës. Ngjarja sipas mediave greke ka ndodhur në qendër të kryeqytetit, në zonën e Agios Panteleimon në Agios Pavlos në rrugën Kritis.
Shqiptari ishte në kafe në momentin që është qëlluar me dy plumba në kokë dhe bark në një atentat mafioz. Informacionet e para ishin kontradiktore nga mediat në Athinë, ku fillimisht u raportua se shqiptari vdiq, por zyrtarisht ndodhet në gjendje të rëndë për jetën në spital. Dyshohet se në atentat është përfshirë më shumë se një person. Shqiptarit i kishin ngritur një pritë dhe sapo e kanë pikasur, ai është qëlluar me armë zjarri.
Autori është larguar në drejtim të paditur. Nuk dihen ende motivet e ngjarjes së rëndë dhe identiteti i shtetasit shqiptar,ndërsa dihet vetëm që është 38 vjec.
