Prokuroria e Sarandës ka mbyllur hetimet për disa dosje penale dhe kërkon nisjen e gjykimit ndaj tyre. Dosjet penale i janë cuar Gjykatës së Sarandës me objekt “Kërkesë për dërgimin e cështjes në gjyq”. Bëhet fjalë për dosjen në ngarkim të Vangjel Pella dhe Hil Mema, të dyshuar si autorë të vjedhjes së 50 mijë eurove në 3 korrik 2021 në banesën e biznesmenit Lorenc Poka në Ksamil. Ergys Tarko, i arrestuar në gusht me 33 gram marijuanë, aktualisht në “Arrest shtëpie” do të dërgohet gjithashtu për gjykim. Prokuroria ka mbyllur hetimet edhe për Fatmir Takën, i akuzuar për “vjedhje”, për suedezin Sebastian Lichota Buinski, aktualisht në kërkim, i akuzuar për “dhunë në familje” si dhe për barinjtë Ilirjan Xhufi e Ardian Kuca nga Delvina, të arrestuar në qershor 2021 për 560 rrënjë “cannabis sativa” të kapura në vendin e quajtur “Kocat” në Leshnicë të Bashkisë Finiq.