Jo shumë ditë më parë me një ceremoni të vecantë dhe me praninë e kryetarit të bashkisë, Adrian Gurma dhe drejtorit të përgjithshëm të Raiffeisen Bank në Shqipëri, zoti Cristian Canacaris dhë një grup fëmijësh të ndodhur enkas u bë përurimi i parkut më të ri publik në Lagjen Nr. 4 të qytetit. Por cuditëtsht ndërsa është për t’u shqetësuar nga të gjithë ne nuk vazhdoi gjatë jeta e këtij Parku. Një dorë dashakeqe ka prishur lodrat e sistemuara bukur në këtë Park, veprim ky i papërgjegjshëm nga njerëz që nuk e përqafojnë ndryshimin, ndërkohë që secili prej nesh nuk duhet të qëndrojë sehirxhi përpara veprimeve të tilla. Për këtë veprim bashkia ka dale me një apel qytetar ku shprehet:
“Me keqardhje konstatojmë se në Parkun e ri Publik, të përuruar ditë më parë në Lagjen Kodër të Sarandës, është vënë dorë duke cënuar imazhin dhe mundësitë që ai Park ofron për çlodhje dhe argëtim të qytetarëve e sidomos të fëmijëve. Ndërsa qeverisja vendore iu përgjigj kërkesës së banorëve për ta vënë atë hapësirë në shërbim të komunitetit, duke gjetur donatorin dhe realizuar urbanizimin e saj, është për të ardhur keq që qytetarë të veçantë i lejojnë vetes dëmtimin e kësaj pasurie të përbashkët.
Ky apel qytetar u dejtohet në radhë të parë atyre, që të ndalin dorën e shkatërrimit, por edhe të gjithë të tjerëve, për të qenë ndalës të asaj dore, apo denoncues për këdo që vepron kundër interesave komunitare”.
