Ndonjëherë rastësia në jetë të njeh me persona që nuk je takuar kurrë më parë me ta por që në pak minuta qëndrimi merr vesh se ata janë dikushi në jetë. Kështu më ndodhi edhe mua. Rastësisht por që vërtetësisht duhet të them se qe i domosdoshēm momenti që u takova me avokaten Jalldiz Kastrati, doktore e shkencave juridike, njëherësh edhe me licencë kombëtare shqiptare me të drejtë ushtrimin e profesionit me licencë ndërkombëtare, si e tillë e angazhuar në gjykatat e huaja si avokate në mbrojtje të të drejtave të shqiptarëve. Në intervistë me avokaten Kastrati, për të cilën nuk nguroi ta realizoja edhe në kushte jo komode, mësova shumë prej saj. Mësova fakte të shqetësimeve të qytetarëve për probleme të ndryshme, qofshin ato edhe për pronat, por edhe për realitete të tjera. Njëherësh për avokaten Kastrati është jo normale mbyllja e gjykatës në Sarandë, një rajon me shumë probleme që për qytetarët do të jenë të lodhshme ndjekjet e seancave në një qytet tjetër kur pretendohet që për sherbimet i duhet t’i vish sa më afër qytetarit.
Shpresa Dine
