Ngjyra e gjelbërt lidhet ngushtë me natyrën dhe shplodh. Një nga vendet e përshtatshme për t’u qetësuar nga stresi i punës, zhurmat e qytetit, apo smogu është Llogaraja, e zhytur në gjelbërim dhe ku mund të ndihet kontakti i drejtpërdrejtë me natyrën.
Përveç borës, në këtë periudhë periudhë aty gjendet dhe një specie me origjinë afrikane, e bukur dhe e veçantë.
“Në këtë periudhë kur dëbora ka zbardhur Parkun Kombëtar Llogara, ju njohim me të bukurën e dheut, me emrin shkencor Salamandra salamandra!
Karakteristikat e species: 15 deri në 25 cm e gjatë, me disa individë që i kalojnë 30 cm si dhe një peshë mesatare prej 19.1 gram. Janë lloje ektotermike. Trupi I saj I karakterizuar nga një simetri bilaterale, është i zi me shenja të verdha ose portokalli në formën e njollave diskrete , njolla të mëdha ose breza. Pjesa e poshtme është zakonisht gri e errët me më pak njolla. Gjatësia e trupit tejkalon gjatësinë e bishtit.
Periudha e riprodhimit: Nëntor- Dhjetor
📍Shpërndarja gjeografike: Gjendet në Evropën qendrore dhe jugore, si dhe në Afrikën veriore dhe Lindjen e Mesme.
Preferon pyjet e lagësht, veçanërisht ato me shumë hije; pellgje ose përrenjë.”, informon AKZM, Agjencia Kombëtare e Zonave të Mbrojtura.
/sarandalife.al/
