Ministrja e Turizmit dhe Mjedisit, Mirela Kumbaro dhe prefekti i Qarkut të Vlorës, Flamur Mamaj, u ndodhën ditën e premte në bashkinë e Finiqit, ku inspektuan punimet e rrugës së “Syrit të Kaltër”. Me rastin e vizitës së tyre ata bashkëbiseduan me kryetarin e Bashkisë së Finiqit Kristo Kiço dhe mbollën në mënyrë simbolike pemën e parë në rrugën nacionale të Vrionit, duke dhënë mesazhin e kujdesit ndaj mjedisit dhe njëkohësisht bashkërendimin e punës në mënyrë të pandërprerë për një mjedis të pastër dhe pa mbetje urbane, bëhet publike në faqen e bashkisë Finiq.