Rrëzohet pema në Parkun Miqësia, në Sarandë. Mëngjesin e së mërkurës rreth orës 08.15, një pemë me jetë disavjecare, që sarandiotët e quajnë Cicibune, është shkëputur nga bazamenti i vet dhe është rrëzuar duke u shtrirë degët e saj deri në rrugë. Fatmirësisht që në rrugë në atë moment nuk kishte lëvizje as këmbësorësh e as mjetesh.
Kjo situatë bllokoi për rreth 30 minuta qarkullimin rrugor. E menjëhershme ka qenë gatishmëria e Sherbimit Zjarrfikës të Sarandës, për të hapur rrugën, ndërkohë që punëtorë të sektorit të gjelbërimit të Bashkisë po merren me sistemimin e situatës.Ende nuk dihet shkaku pse kjo pemë me jetë disavjecare të rrëzohet.