Grupi parlamentar i PD e ka konsideruar dorëheqjen e Lulzim Bashës në funksion të zgjdhjes së problematikës, që ka shkaktuar një përcarje të thellë nga qendra në bazë.
Në një draft paraparak të siguruar nga “BalkanWeb” deputetët shprehin gatishmërinë për të negociauar me anëtarët e pezulluar të grupit parlamentar për të gjetur një zgjidhje të pranueshme për t’i hapur rrugë bashkimit.
1. Grupi parlamentar i PD vlerëson aktin e dorëheqjes së kryetarit te PD në funksion të zgjdhjes së problematikës, që ka shkaktuar një përcarje të thellë nga qendra në bazë.
2. Grupi parlamentar i bën thirrje anëtarëve të pezulluar të grupit të PD që të ofrojnë të njëjtin mekanizëm për tërheqjen e zotit Berisha, që duhet të distancohet nga vendimarrja ne PD, duke u bërë pjesë e zgjidhjes për të shmangur përcarjen dhe për të bërë të mundur bashkimin e demokratëve. Kërkojmë respektimin e vlerave dhe parimeve statutore të PD për shmangien e pasojave të deklaruara publikisht nga SHBA.
3. Grupi parlamentar shpreh gatishmërinë për të negociuar me anëtarët e pezulluar të grupit parlamentar për të gjetur një zgjidhje të pranueshme për t’i hapur rrugë bashkimit. Grupi ngarkon strukturat përgjegjëse për të pranuar një grup për të lehtësuar ndërmjetësimin.
4. Grupi vlerëson se pas dakordësisë i hapet rruga për:
A-Ndërmarjen e një fushate ndërgjegjësuese në bazë për bashkim
B-Përgatitjen e partisë për zgjedhjet lokale
C- Përgatitjen e kushteve të nevojshme për zgjedhje menjeherë pas zgjedhjeve lokale
(BalkanWeb)
