Kryeministri i Greqisë Misotaqis u ndal paraditen e sotme në Livadhja në kuadër të vizitës së tij në Shqipëri.
Në qendër të Livadhjasë kryeministri grek u prit nga përfaqësuesit e pushtetit vendor dhe deputët Kuri, Kumbaro e Denaj. Mitsotakis vizitoi shkollën e Livadhjasë ku fëmijët e pritën me këngë e poezi në gjuhën greke. Kryetari i bashkisë së Finiqit, Kristaq Kiço ka falënderuar ardhjen e kryeministrit grek në bashkinë e Finiqit. Ajo që ra në sy në fjalën e tij, i cili gjithë kohës foli greqisht, ishte ankesa për pronat. Kiço kërkoi para Mitsotakis përmirësimin e rrjetit të energjisë elektrike dhe të furnizimit me ujë, infrastrukturë në brendësi të fshatrave, pasi një pjesë e fshatrave s’kanë rrugë ujë dhe drita.
Ndërkohë që u shpreh se marrëdhëniet e bashkisë Finiq me qeverinë shqiptare janë të mira.
Mitsotakis e ka quajtur pritje entuziaste, ardhjen e tij mes banorëve të bashkisë Finiq. Ka falënderuar dhe është shprehur se qeveria greke i di problemet e minoritetit dhe do të lobojë si një faktor i rëndësishëm në përcjelljen e zërit të minoritetit pranë qeverisë shqiptare. Premtoi se nuk do jetë vizita e fundit në minoritet dhe garantoi se do të jetë zë i rëndësishëm në BE për Shqipërinë.
