- Advertisement -
Një supermarket në lagjen nr.4 në Sarandë ka rënë pre e grabitjes gjatë natës së kaluar.
Burime bëjnë të ditur se hajdutët kanë hyrë në supermarket “Halo” nga pjesa e pasme e supermarketit, duke marrë kasafortën, e cila sipas pronarëve ka patur brenda një shumë rreth 200 mijë euro.
Pas grabitjes, hajdutët kanë hequr edhe serverin e kamerave të sigurisë, duke e marrë me vete.
Policia është njoftuar për grabitjen dhe po punon duke ndjekur kameraat e bizneseve përreth dhe kamerave të vendosura në qytet.
/sarandalife.al/
