Grabitën 17.3 milionë euro në supermarket, “lirohen” pa zhurmë dy hajdutët! Tekniku i kamerave filmoi kodin e kasafortës dhe…. Mister autori i tretë(Video)

- Advertisement -

Dy të dyshuarit për vjedhjen e 17.3 milionë lekëve në një supermarket në Sarandë janë liruar nga gjykata. Edmond Duzha 42 vjeç dhe Bekdash Cukalla 39 vjeç, të dyshuar për vjedhjen e shumës së madhe të parave më 11 dhjetor të vitit 2021 kanë fituar lirinë në dy shkallët e gjyqësorit.Mësohet se ata janë liruar pa “zhurmë” më shumë se dy muaj më parë edhe nga Gjykata e Apelit të Gjirokastrës, pasi vendimit të Gjykatës së shkallës së parë në Sarandë, e cila caktoi ndaj tyre masën e sigurisë “arrest në shtëpi” më 29 shtator të vitit të shkuar.
Ndaj tyre tanimë është caktuar masa e sigurisë “detyrim paraqitje” si dhe ndalim për të dalë jashtë vendit.Nga hetimet e prokurorisë rezulton se në grabitje janë përfshirë tre persona, njëri prej të cilëve ishte tekniku i kamerave të sigurisë, i cili ka bashkëpunuar me dy grabitësit serial.
Policia zbuloi ngjarjen në fund të dhjetorit 2021, duke arrestuar teknikun Bektash Cukallën dhe Edmond Duzhën, banues në Tale të Lezhës, i dënuar më parë në Itali për vjedhje dhe sulm ndaj forcave të policisë. Nga hetimet rezulton se Cukalla ka parë përmes kamerave, shumën e lekëve në kasafortë dhe kodin e sigurisë. Duzha bashkë me një person ende të paidentifikuar kanë mbërritur një ditë para ngjarjes në Sarandë ku i ka pritur Cukalla, i cili u ka treguar rrugën nga do hynin në market. Pas vjedhjes ata kanë shkuar tek shtëpia e një të afërmi ku kanë bërë ndarjen e parave.
Pas operacionit, policia sekuestroi shuma të ndryshme parash në lekë, euro dhe paund, si dhe dy automjete me të cilën dyshohet se autorët u larguan pas ngjarjes.

Postimet e fundit

Më shumë si ky artikull
Të ngjashme

Shkolla “Dea” koncert në Beograd(Video)

Shkolla jo publike ‘Dea” së shpejti me grupin e...

Shkolla jo publike 'Dea" së shpejti me grupin e...

Dita Kombëtare e vajzave në Arsimin Profesional(Video)

Ditën e sotme në kuadrin e Ditës Kombëtare të...