Atleti Alush Çukari përshkoi me vrap në distancën Sarandë – Delvinë në përkujtim të artistes Hajrie Rondo Veizi( Video).

Në përkujtim të artistes delvinjote Hajrie Rondo Veizi sot atleti Alush Çukari ka përshkuar sot me vrap distancën Sarandë – Delvinë.

U nis nga sheshi në qendër të Sarandës. Tek Ura e Gajdarit atletin e shoqëroi deri në finish një makinë policie e Delvinës dhe një ambulancë.
Vetë atleti Alush Çukari u shpreh se vrapimin e ditës së diel e bëri i motivuar nga figura e aktores Hajrie Rondo e në kujtim të veprës së saj.

Kjo iniciativë të atletit Çukari u përkrah edhe nga Sektori i Kulturës dhe Sportit në Bashkinë Delvinë.

Në Sheshin e Delvinës qytetarë,stafi i Bashkisë, Sektori i Kultures pritën atletin Çukari.
Tufën me lule që iu dhurua atleti e vendosi tek busti i aktores njëherësh bijës delvinjote Hajrie Rondo Veizi. Atleti në bluzën e veshur kishte foton e Aktores Hajrie Rondo Veizi.

Gjithashtu Kryetarja e Bashkisë së Delvinës znj. Majlinda Qilimi, ka hedhur këtë status në profilin e saj në facebuk:

Majlinda Qilimi

Atleti sarandiot Alush Çukari përshkoi sot me vrap rrugën Sarandë – Delvinë.

I motivuar nga figura e aktores Hajrie Rondo e në kujtim të veprës së Saj, atleti ndërmori këtë inisiativë e cila u përkrah edhe nga Sektori i Kulturës dhe Sportit në Bashkinë Delvinë.

Duke e falenderuar Alush Çukarin i urojmë suksese të mëtejshme e arritje sa më të larta në atletikë!