Bllokohet lëvizja e trageteve të linjës Sarandë – Korfuz dhe anasjelltas. Sipas burimeve nga pala greke e Korfuzit punonjësit shëndetësorë që bëjnë tamponët në port janë futur në një grevë për 48 orë deri në zgjidhje të problemit. Kjo për faktin se i ka mbaruar kontrata autoritetit shëndetësor në portin e Korfuzit, dhe si e tillë nuk kryhet marrja e tamponit në port. Sipas pronarëve të trageteve në Sarandë deri ditën e hënë situata do jetë e tillë. Agjensia “Fenikas line” sot udhëtarët e vet që ishin pajisur me biletë i ka transportuar me autobuz nga Qafë Bota. Nga kjo linjë janë transportuar 80 persona. Qytetarët që kishin prerë biletat, ndërsa nga agjensitë ua kthyen lekët e biletave, ata shprehen të shqetësuar se kërkojnë edhe lekët e tamponit, kjo për faktin se ky tampon është i pavlerë në ditët e tjera.
© 2021 Sarandalife