Autopsia/ Kishte mbi 72 orë që kishte vdekur, nëna e Pirro Dhimës ndërroi jetë nga ataku kardiak. Peshëngritësi tërheq trupin e pajetë

Të tjera detaje dalin në dritë në lidhje me vdekjen e nënës së peshëngritësit Pirro Dhima, e cila u gjet e pajetë në shtëpinë e saj në Himarë. Autopsia
ka treguar se 75-vjeçarja Lefteria Dhima ka ndërruar jetë si pasojë e një ataku kardiak. Po ashtu mësohet se ajo kishte më tepër se 72 orë që kishte vdekur në momentin kur u gjet në oborrin e shtëpisë së saj.Mësohet se në spitalin e Sarandës sot ka shkuar vetë Pirro Dhima bashkë me vëllain e tij, Odisea, pasi ishin kthyer në Shqipëri, për të marrë trupin e pajetë të nënës së tyre. Mësohet gjithashtu se ceremoniali i varrosjes së nënës së Pirro Dhimës do te bëhet ditën e shtunë në Himarë.