Një aksident me pasojë vdekje ka ndodhur këtë të martë në aksin Kardhiq-Delvinë. Sipas policisë 42-vjeçari Enton Ndini, banor i Rusanit, ka humbur kontrollin e motomjetit që drejtonte dhe ka dalë nga rruga. Përplasja ka rezultuar të ketë qenë fatale pasi për pasojë drejtuesi ka ndërruar jetë në vendin e ngjarjes.
Sakaq, grupi hetimor po punon për zbardhjen e plotë të rrethanave të aksidentit.
Sarandë/Informacion paraprak
Rreth orës 14:00, në aksin rrugor Kardhiq-Delvinë, në vendin e quajtur Fushë-Vërri, shtetasi E. N., 42 vjeç, duke drejtuar motomjetin, dyshohet se ka humbur kontrollin dhe motomjeti ka dalë nga rruga. Si pasojë e aksidentit shtetasi E. N, ka ndërruar jetë, në vendngjarje.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.