- Advertisement -
Këshilli i Lartë i Prokurorisë me propozim të Komisionit për Zhvillimin e Karrierës, vendosi me 10 vota pro dhe 1 kundër (të Sokol Stojani), transferimin përkohësisht me pëlqimin e tij, të Kledian Llaho, në Prokurorinë pranë Gjykatës së Shkallës së Parë Sarandë. i cili deri tani ka qenë prokuror në Prokurorinë pranë Gjykatës së Shkallës së Parë Vlorë. Caktimi i Kledian Llaho është bërë për një periudhë njëvjeçare. Kryeprokurori Kledian Llaho zëvendëson në këtë detyrë Alfred Shehu, i cili pas tre muajsh në krye të Prokurorisë së Sarandës u transferua në SPAK, Struktura e Posaçme Kundër Korrupsionit Dhe Krimit Të Organizuar.
