Një tjetër vrasje me viktimë një grua ka tronditur zonën ku ka ndodhur. Një 49-vjeçar nga Armenia vrau gruan e tij në Poliçni të Selanikut mbrëmjen e së dielës. Pas vrasjes së bashkëshortes, ai shkoi vetë në polici dhe përballë tyre u tha: “Djema vrava gruan time ”. Pas kësaj 49-vjeçari, sipas një burimi të MEGA, ka kërkuar nga policia që të informojë djalin e tyre 20-vjeçar për cfarë ai kish bërë. Pas denoncimit policia shkoi në banesën që kishte sugjeruar atyre autori dhe gjeti një grua të pa jetë në dhomën e gjumit me plagë të shumta të shkaktuara me thikë në gjoks dhe këmbë. Thika u gjet brenda shtëpisë dhe sot pritet autopsia për të përcaktuar shkaqet e vdekjes së gruas. Çështja është marrë në dorëzim nga Departamenti i Krimeve kundër Jetës pranë Drejtorisë së Sigurimit të Selanikut . Autori pritet të dërgohet sot në prokurori. Kjo është vrasja e 14-të e një gruaje në Greqi në vitin 2021.
/sarandalife.al/