- Advertisement -
Prej ditësh kanë nisur punimet në aksin rrugor Shijan – Ura e Gajdarit, me synim zgjerimin e saj. Ndërsa punimet ecin asnjë tabelë referuese nuk shef askund nga ato që bëjnë publike detaje financimi, nga kush apo afatet se kur mbarojnë punimet. Makineri të rënda janë stacionuar në aksin Pulari – Qafë e Gjinos.
Natyrisht që zgjerimi i kësaj rruge është vijim logjik i nisjes së pritshme të qarkullimit në rrugën e re Delvinë – Kardhiq. Por shifet gjithashtu se zgjerimi i rrugës ekzistuese pritet të ketë edhe zbutje të disa kthesave si ato nga Shijani deri tek Pularia. Po ashtu do ketë edhe një ulje lartësie në Qafën e Gjinos afërsisht me 8 m.