Shoqëria e parë e Bashkëpunimit Bujqësor që certifikohet me standartin ndërkombëtar GlobalG.A.P është Agro Isak në Sarandë. Me pjesëmarrje fermerësh, përfaqësues nga Bashkia Finiq, nga Qarku i Vlorës, Këshilli i Agrobiznesit Shqiptar dhe RisiAlbania u zhvillua në mjediset e biznesit Agro Isak në Vrion, ceremonia e dorëzimit të certifikatës GlobalG.A.P Shoqërisë së Bashkëpunimit Bujqësor Agro Isak.
Në përshëndetjen e tij Presidenti i Agro Isak Ismail Sinani falënderoi pjesëmarrësit ndërsa u shpreh që ky standard ka ndihmuar për të garantuar sigurinë ushqimore në tregun vëndas. Në qëndër të këtij standarti është siguria ushqimore kjo pasi analizat e produktit, ujit, tokës, sistemi i gjurmueshmërisë janë kushtet kryesore. Agro Isaku ka filluar kontaktet dhe me tregje në eksport konkretisht në Suedi për eksportin e mandarinave të certifikuara me GlobalG.A.P.
Për Agim Rrapaj, kryetar i KASH, modeli i certifikimit në grup është një mundësi shumë e mirë jo vetëm për eksportuesit por dhe për shoqëritë e bashkëpunimit bujqësor, pasi standartet janë e vetmja rrugë për të ecur përpara.
Gramos Osmani, Menaxher i sektorit të agrobiznesit u shpreh se ky është një model i bashkëpunimit midis fermerëve për të arritur standartet e kërkuara. Njëherësh një mundësi që në Shqipëri të kemi sa më shume produkte të certifikuara.
“Mbështesim iniciativa të tilla si kjo e Agro Isak. Ishte domosdoshmëri dhe një proces i vonuar.”, u shpreh nënkryetari i Këshillit të Qarkut, Llambi Pandeqi.
“Agro Isak, tashmë e certifikuar është dallëndyshja e parë si një risi e re që po troket për bujqësinë shqiptare.”, u shpreh Ago Nezha, drejtor i informacionit të KASH.
“Kjo është gjëja më e mirë, pasi produktet certifikohen dhe krijon besueshmëri për konsumatorin.”, u shpreh Aristotel Mitro, drejtor i bujqësisë i Bashkisë, Finiq.
“Është vlerësim për Shoqërinë tonë, certifikata nga GlobalG.A.P që na u dha sot.”, u shpreh menaxherja e Agro Isak, Blerina Gjolleshi.
“Përpjekjet tona kanë qenë të shumta deri në arritjen e certifikimit të produkteve.”, na thotë agronomja Figalia Koci.
Agro ISAK operon në zonën e Finiqit-Sarandë si kooperativë në kultivimin dhe tregëtimin e perimeve e agrumeve të ndryshme. Agro Isaku gjatë 2020 vendosi një partneritet me KASH dhe RisiAlbania për të provuar modelin e certifikimit GlobalG.A.P ne grup si një mundësi përherë në tregjet më të mira brenda dhe jashtë vëndit. RisiAlbania është një projekt inovativ, i mbështetur nga Agjencia Zvicerane për Zhvillim dhe Bashkëpunim, SDC, në partneritet me Ministrinë e Financave dhe Ekonomisë dhe që zbatohet nga Helvetas dhe Partnerët Shqipëri. Projekti synon të ofrojë më shumë mundësi punësimi për të rinjtë dhe të rejat në Shqipëri, nga mosha 15-29 vjeç. Për të arritur me sukses certifkimin GlobalG.A.P nuk ka qënë e lehtë. Ekipi i menaxhimit të cilësisë i përbërë nga agronomi, këshillues dhe konsulentë të jashtëm kanë punuar ngushtë me grupin e fermerëve brënda dhe jashtë kooperativës për të zbatuar kushtet dhe përmbushur kriteret që kërkohen nga ky standard.
/sarandalife.al/