Pas vizitës në repartin e pediatrisë në spitalin e Sarandës, zv/kryeministri Arben Ahmetaj, deputetja Anila Denaj së bashku me ta edhe kryebashkiaku Gurma shkuan tek godina e ish maternitetit.Kryebashkiaku Gurma i njohu ata me godinën e ish -maternitetit, sot jashtë funksionit, ku sipas burimeve në këtë godinë do të ngrihet muzeu. Rrugës për në Galerinë e Arteve, “Art Saranda”, Z. Ahmetaj shkoi në disa dyqane tregtare për të parë nga afër çmimet. Gjatë vizitës në Galerinë e Arteve, ai ka dhënë përshtypje pozitive duke vlerësuar për pasurinë që ajo ka, gjithashtu ai shprehu dëshirën për të qënë prezent, kur të çelet ekspozita e Bujar Kapexhiut. Drejtori i Galerisë, Lefter Çeko ka njohur zv/kryeministrin për pikturat e publikuara në galeri që nuk janë punime vetëm të piktorëve nga Saranda, por edhe nga qytete të tjera dhe diaspora.