Zbardhet ngjarja e djeshme në Sarandë. Shpallet në kërkim Alban Çoba, 48-vjeç, nga Fieri, pronar i restaurant “Fantastic”. Konflikti pas një debati me disa klientë nga Delvina lidhur me faturën, për të cilën klientët nuk ishin dakort dhe refuzonin ta paguanin. Çoba i ka kanosur me një send të fortë por nuk ka gjuajtur njeri dhe as ka të dëmtuar nga ngjarja. Ngjarja dje rreth orës 18.00 në aksin Turizëm – Kanali i Çukës. Policia nuk e ka gjetur as në lokal dhe as në banesë pronarin, për rrjedhojë e ka shpallur në kërkim 48-vjeçarin.
Njoftim i policisë
Reagim i Komisariati të Policisë Sarandë
Në lidhje me një video të publikuar në rrjetet sociale, ku shfaqej nje shtetas i cili kishte kanosur me mjet prerës, disa klientë, në një lokal, në qytetin e Sarandës, ju informojmë se:
Nga specialistët për Hetimin e Krimeve në Komisariatin e Policisë Sarandë, menjëherë pas marrjes së njoftimit, për ngjarjen e ndodhur, janë kryer të gjitha veprimet hetimore dhe u bë shpallja në kërkim e shtetasit A. Ç., 48 vjeç, banues në Sarandë. Ky shtetas, dyshohet se në ambientet e subjektit të tij, në lagjen nr.1, Sarandë, pas një konflikti për motive të dobëta, ka kanosur me mjet prerës (thikë), disa klientë. Vijon puna për kapjen e tij.
Materialet i kaluan Prokurorisë, për veprime të mëtejshme.