UJËSJELLËSI ROMAK BUTRINTIT-XARRE ( Aqueduct) – UJE 24 ORE

- Advertisement -

Periudha romake i dha një hov cilësor ndërtimeve monumentale në Butrint: si kompleksi i madh i banjave publike, rikonstruksioni i tempullit të Asklepit( Eskulapit), ndërtimi i skenës dhe i prapaskenës së teatrit, ndërtimi i shumë banesave luksoze etj. Pa dyshim ndërtimi më i fuqishëm monumental është Ujësjellësi i Butrintit.
Teknikisht është një ndërtim i arrirë, ku gjatë trasesë së tij janë ndërtuar shumë vepra arti, si ura e kanale të përforcuara me mure mbajtëse si dhe puseta dekantimi e kontrolli.
Shtrirja e Ujësjellësit nga burimi në fshatin Xarrë përshkon nëpërmjet urëkalimeve krejt fushën e Xarrës e Vrinës, duke krijuar degëzime furnizimi me ujë në lagjen romake të ndërtuar në fushën e Vrinës, kalon në depon e dekantimit në kanalin e Vivarit dhe nëpërmjet urëkalimit me gjerësi 9 m, që shërbente si për kalimtarët ashtu edhe për ujësjellësin, kalonte në kanalin e Vivarit dhe përfundonte në depon e shpërndarjes e të dekantimit në kompleksin e Nimfeut nga ku realizohej shpërndarja e ujit nëpër qytetin e Butrintit.

Ujësjellësi i Butrintit me gjatësi 3.5 km, lartësi të kanalit 6 m dhe harqet që krijonin një hapësirë me gjerësi 3.50 m e lartësi 3.75 m, është ndërtim monumental dhe pati funksion themelor për qytetin e kohës romake.
Duke marrë si kohë ndërtimi periudhën e sundimit të Augustit pas vitit 44 p. K. paraqitja e tij me tipare të qarta arkitekturore në shpinë të monedhës ndërsa në faqe paraqet portretin e Augustit me legjendën BUTHR AUGUSTUS.
Ai ka vazhduar të funksiononte deri nga fundi i shek. IV pas K, kohë që ka mbetur jashtë funksionit lagjja e re jashtë Butrintit si dhe termat dhe gjimnazi i qytetit.
Në syrin e turistit ky monument krijon kuriozitet dhe deshirë për ta parë dhe mësuar diçka më shumë.

Vladimin Kodhelaj 04 Janar 2022

Postimet e fundit

Më shumë si ky artikull
Të ngjashme

Delvina me dy monumente kulturore të kategorisë së parë

Sot do t'ju flasim për dy monumente kulturore të...

Zbardhet ngjarja, dogji makinën në Delvinë, arrestohet autori (EMRI)

Zbardhet ngjarja e ndodhur ditën e djeshme në Delvinë,...

Ka nisur nga bashkia puna për pastrimin e kanaleve ujitëse

Bashkia e Sarandës ka bërë publike sot punën që...