- Advertisement -
Largimi i parakohshëm i Spiro Gjicalit nga kjo jetë është pikëlluese për bashkëqytetarët tanë. Njëherësh është e rëndë e pikëlluese edhe për shokët e miqtë e tij të Komitetit të Veteranëve. “Spiro Gjicali lindi 80 vite më parë në fshatin Pilur. Në vitin 1951 familja e tij u transferua në Sarandë. U rrit Spirua në një familje të thjeshtë, me respekt dhe reputacion në komunitet.
Ai ishte njeri social, komunitar. Kudo ku ka punuar ka lënë një emër shumë të mirë. Për vite me rradhë ka drejtuar Shoqatën e Invalidëve, ndërsa ishte i zgjedhur anëtar kryesie në Komitetin e Veteranëve të Luftës Antifashiste Nacional Clirimtare.
Kudo ku punoi Spiro Gjicali ka qenë me respekt për punën dhe shumë i përkushtuar. Me humbjen e tij ne humbëm një mik, humbëm një shok me vlera të shprehura qytetare. U prehsh në paqe, shoku dhe miku ynë.
Ngushëllime familjes, shprehet Kryetarja e Kryesisë së Komitetit të Veteranëve Sarandë, Neriman Gjivogli. Stafi i Sarandalive shpreh për familjen e fisin Gjicali ngushëllimet më të thella dhe bashkohet me dhembjen e saj të madhe.
Kameramani Vladimir Kodhelaj, në arkivin e tij ndërsa ka të ruajtura takime të veteranëve e bashkë me ta edhe Spiro Gjicalin ka njëherazi edhe momente ku miku dhe njeriu me vlera Spiro Gjicali këndon me pasion edhe këngë popullore, për të mbetur i gjallë në kujtesën e familjarëve, miqve dhe shokëve të tij.