Pas festimeve të 110 – vjetorit të Pavarësisë ditën e së hënës u përkujtua sot Dita e Çlirimit të Shqipërisë në ceremoninë e zhvilluar në Vorrezat e Dëshmorëve.
Ceremonia e festimeve të 78-vjetorit të Çlirimit të Atdheut bëri bashkë personalitete të zonës për të nderuar kujtimin e atyre që luftuan dhe dhanë jetën për çlirimin e vendit nga pushtuesi.
Kryebashkiaku Adrian Gurma, pasardhës veteranësh por edhe qytetarë të shumtë vendosën kurora me lule në varrezat e Dëshmorëve.
Gjatë ceremonisë u shpreh respekti dhe mirënjohja për partizanët e Sarandës që u angazhuan në këtë luftë të rëndësishme të popullit tonë dhe që sakrifikuan gjithçka për lirinë e vendit. Të pranishmit i pëshëndeti Kryetarja e Komitetit të veteravëve znj. Neriman Gjivogli. Më pas të pranishmit kaluan në revistë nderi të rënët në luftë kundër pushtuesve nazi – fashistë, që prehen në vorezat e dëshmorëve dhe kaluan disa çaste në dhomën muze.
