U aksidentua nga një automjet mbrëmjen e së premtes, rëndohet gjendja e të miturit. Niset me urgjencë drejt Tiranës

Gjendja e fëmijës së mitur që u aksidentua mbrëmjen e së premtes në Delvinë është rënduar. Mësohet se i mituri është nisur paraditen e së shtunës me urgjencë drejt Tiranës për mjekim më të specializuar. Sipas burimeve fëmija ka një hematomë të krijuar në kokë nga aksidenti. Policia në një informacion paraprak bëri me dije mbrëmjen e djeshme se aksidenti ndodhi rreth orës 20.00, në vendin e quajtur Bigor, lagjia “9 Tetori”, Delvinë, ku shtetasja Xh. T., rreth 20 vjeç, duke drejtuar automjetin tip”Toyota”, ka goditur të miturin.