Specialistët e Hetimit të Krimit në Komisariatin e Policisë Sarandë proceduan penalisht shtetasin me inicialet: I. S., 41 vjec. banuese në Konispol, për veprën penale “Ndërtimi i paligjshëm”, pasi është konstatuar duke kryer punime, pa lejen e organeve kompetente. Gjithashtu edhe shtetasin me inicialet L. H., 44 vjeç, banues në Sarandë, për veprën penale “Mosbindja ndaj urdhrit të punonjësit të policisë së rendit publik”, pasi nuk i është bindur udhrit të punonjësit të Policisë, për të ndaluar automjetin. Gjithashtu edhe shtetasin me inicialet A. L., 43 vjeç, banues në lagjen nr.2 Sarandë, për veprën penale “Shkatërrimi i pronës”, sepse ka thyer xhamin e automjetit në pronësi të shtetases me inicialet G. Q., banuese në Delvinë. Materialet në ngarkim të këtyre shtetasve i kaluan Prokurorisë së Rrethit Gjyqësor Sarandë për veprime të mëtejshme.