U xhvillua sot paradite në Sarandë ceremonia e përurimit të busteve në bronx të Heronjve të Popullit: Vasil Laçi, Mitro Xhani dhe Lefter Talo, realizuar nga skulptorët e njohur Niko Godroli, Emanuel Koko dhe Kreshnik Xhiku.
“Përuruam sot, vendosjen e busteve të Heronjve të Popullit, Vasil Llaçi, Mitro Xhani dhe Lefter Talo, së bashku me familjarë, anëtarë të organizatave të pasardhësve të veteranëve e dëshmorëve të LANÇ dhe qytetarë të Sarandës, punuar me mjeshtëri nga skulptorët Niko Godroli, Emanuel Koko dhe Kreshnik Xhiku.I përjetshtëm kujtimi i Heronjve të Popullit!”, shprehet Adrian Gurma.
Në ceremoninë e zbulimit të veprave të artit kushtuar Heronjve ishte i pranishëm Kryebashkiaku Adrian Gurma, përfaqësues të organizatave tē veteranëve, qytetarë, krijues.
Pas ceremonisë, kryebashkiaku Gurma shtroi një pritje për veteranët dhe familjet e të afërmit e Heronjve të Popullit .
/sarandalife.al/
