Sovjet Maska është një ndër peshkatarët më të vjetër të Sarandës. Peshkimin me grep si amator e ka filluar që kur ishte 7 vjeç dhe atëherë peshkonte me fijet e bishtit të kalit. Kur u rrit nisi punën në Ndërmarjen e Peshkimit, si marinar në një peshkarexhë, Flug, siç quheshin atëhere. Në vitet ‘70 Saranda kishte vetëm dy fluga që peshkonin me rrjeta. Atje ai mësoi dhe mjeshtrinë e qepjes së rrjetave, duke u bërë kështu një specialist i vërtetë. Si marinar ai punoi për 50 vjet dhe shumë vite të tjera ushtroi zanatitn e mjeshtrit të rrjetave të peshkimit, zanat që vazhdon ta ushtrojë edhe sot. Por mjeshtri Sovjet nuk është dakort me mënyrën, kohën, si peshkohet, tregtimin e peshkut sot, mēnyrë kjo që dëmton rëndë dhe në mënyrë masive faunën e detit.
