U bush një vit kur u largua nga jeta para kohe mësuesi, drejtuesi, Luan Ahmeti një nga emblemat e arsimit në Sarandë.
Ai ka lindur në qytetin e Elbasanit më 6 shkurt 1950. Shkollën fillore e kreu ne Elbasan, kurse atë 7- vjecare dhe të mesmen në qytetin e Sarandës. Në vitin 1967 filloi studimet në Universitet në degën fizike në Fakultetin e Shkencave të Natyrës në Tirane.
Pas mbarimit të Fakultetit filloi punën si mësues fizike në gjimazin “ Hasan Tahsini “ në Sarandë.
Në vitin 1978 u emërua drejtor i shkollës së mesme në Mursi,një shkollë me 500 nxënës.Ne vitin 1983 u emerua drejtor i gjimnazit “ Hasan Tahsini “ në Sarandë, deri ne vitin 1989. Gjatë këtyre viteve në saje të punës së palodhur të stafit të mësuesve, gjimnazi i Sarandes shkëlqeu edhe në rang kombëtar ku çdo vit ka patur fitues në olimpiadat kombëtare në lëndët matematikë ,fizikë,kimi të shoqëruara me medalje ari. Keto arritje ishin ne saje te punes se perkushtuar te stafit pedagogjik te kesaj shkolle ku ishte drejtues Luan Ahmeti. Në vitin 1989 u emërua shef i Seksionit të Arsimit në Sarandë .Ne vitet 1991 – 1992 ka punuar specialist dhe metodist i lëndës së fizikës në kabinetin pedagogjik të rrethit Sarandë. Ne vitet 1992 – 1997 ka punuar mesues i lëndës së fizikës në shkollën e mesme “Hasan Tahsini” Sarandë.
Ne vitet 1997 – 2001 ka punuar drejtor i shkollës së mesme “Hasan Tahsini “ Sarandë.Gjatë vitit të mbrapsht 1997, së bashku me trupën pedagogjike të gjimnazit, organizoj ruajtjen dhe mbrojtjen e shkollës duke rezikuar dhe jetën e tyre, pasi plumbat vinin nga të gjitha anët, vet Luani shpëtoi Amzën e shkollës duke e marë në shtëpi.
Ne vitin 2001 me iniciative e tij duke u bazuar në përvojën në mësimdhenie, hapi shkollën jopublike “ Dea 2001 “ Sarandë.Në vitet 2001 – 2015 ka punuar drejtor i shkollës së mesme dhe 9 – vjecare jopublike “ Dea 2001 “ dhe deri sa u largua nga jeta të punoj si administrator në këtë shkollë. Gjatë qënjes së tij në krye të shkollës jopublike “Dea 2001”, sjkolla gjatë viteve ka njohur arritje të cilat ishin jo vetëm në rrafshin lokal, por edhe atëkombëtar.Edhe këtu nuk munguan nxënësit fitues në Olimpiada Kombëtare
Nga institucionet Kombëtare dhe lokale është nderuar me tituj të ndyshme nderi.Largimi nga jeta i mësues Luanit ishte një humbje jo vetëm për familjen, por edhe për komunitetin arsimdashës sarandiot.
sarandalife.al i shpreh ngushëllimet më të sinqerta familjes së të ndjerit.