Edhe në Delvinë u përkujtua 77 – vjetori i Clirimit. Në vorrezat e dëshmorëve u vendosën kurora me lule. Ndërkohë në këtë ditë u vlerësuan me certifikate mirënjohjeje (pas vdekjes)disa prej figurave të ndritura që kanë spikatur në Luftën Antifashiste Nacionalçlirimtare. “9-Tetori është një ndër datat më të rëndësishme në kalendarin e festave të Delvinës.
Është dita që na bën të ndihemi krenarë për paraardhesit tanë që shkruan histori, të shtyrë nga ndjenja e patriotizmit dhe atdhedashurisë. Ndaj dita e sotme nisi me vizitën në altarin e lirisë, në Varrezat e Dëshmorëve, atje ku prehen bijtë dhe bijat e Delvinës, që me guxim, heroizëm e vetëmohim iu bashkangjitën radhëve të luftëtarëve të lirisë.
Në nder të kësaj dite, ku krahas pasardhësve të veteranëve na nderuan me pjesëmarrjen e tyre deputetja e zonës Znj. Anila Denaj dhe prefekti i qarkut Z.Flamur Mamaj, pata nderin dhe kënaqesinë të vlerësoj me certifikata mirënjohjeje (pas vdekjes)disa prej figurave të ndritura që kanë spikatur në Luftën Antifashiste Nacionalçlirimtare Gëzuar Ditën e Çlirimit të Delvinës! I përjetshëm kujtimi i të rënëve për liri !” shkruhet në faqen e Bashkisë Delvinë.
