Po vijojnë hetimet nga Policia e Kalamatës për zbardhjen e një rasti të vrasjes së një 31-vjeçari shqiptar në Qiparisia.
Sipas policisë, trupi i 31-vjeçarit u gjet pasditen e djeshme i varrosur në plazhin e Kartelisë në Kyparisia dhe kishte lëndime kryesisht në kokë. Në zonën ku u gjet kufoma, grupi i punonjësve të policisë së Zyrës së Hetimit Kriminal të Messinisë ka shkuar për të mbledhur provat, ndërsa siç rezultoi nga hetimet e deritanishme, viktima nuk ishte banues i përhershëm i zonës. Paralelisht me mbledhjen e provave, policia që po heton rastin është në pritje të rezultatit zyrtar të ekspertizës mjeko-ligjore të kryer në trupin e të huajit.
