Në nëntor të vitit 2012, largohet nga jeta para kohe Viktor Ligaçi ( Pupi). sarandalife.al në bashkëpunim me Ajet Dukën, shokun dhe mikun e tij të këngës labe i cili ka krijuar dhe një tekst kënge, që në një moment të dytë do ta këndojnë me grupin “Kaonët”, i kushton një video homazh në kujtim të kontributit të tij në këngën polifonike delvinjote.
Pupi lindi në 06 mars 1955 në qytetin e Girokastrës. U rrit dhe u shkollua në qytetin e Delvinës, në lagjen Mukurs. Dashuria e tij për këngën labe, kishte një prejardhje familjare dhe origjine. Pupi kultivoi një dashuri të pakufishme për këngën e paraardhësve të tij.
Në vitin 1993 bëhet pjesë e grupit “Kaonët”si dhe një nga themeluesit e tij.
Si një kthyes virtuoz, këndoi në çdo skenë të festivaleve dhe mbarë skenave të vëndit, ku pa dyshim, kthimi i tij si një gjëmim dimri, siç thotë edhe kënga kushtuar Pupit,u bë mbështetja e dhjetra çmimeve e vlerësimeve të këtij grupi që sot ruhen me shume fanatizëm në arkivën e tij. Falë punës së bukur të kameramanëve dhe studiove zanore ,Pupi ka lënë botën e tij shpirtërore dhe artistike, dhurat për gjithë Labërinë e më gjërë.
KENGE KUSHTUAR VIKTOR LIGAÇI (PUPI)
Sa ka jetë grupi Kaonë
Je i gjallë në këngën tonë
Zëri që ngjallë emocion
Nuk ka vdekur mes nesh rronë.
Ref
Viktor Ligaç Picarioti
Të mori pranë gjirit zoti
Ktheve këngë për llogaranë
Dhe për gjithë labërin mbarë
Për flamurin në Himarë
O zëri që lë thesarë
Ref
Na rënkon zemra nga dhimbja
Dhe rrëket varen nga syri
Thonë çu bë gjithë Labëria
Ai kthim si gjëmim dimri
Ref
Zërin tënd e kemi pranë
Shpirti në qiell qëndronë
Në mës Laberisë je prap
Sa herë që çdo lab këndon
Ref
Viktor Ligaç delvinjoti
Rron i gjall,s’ka vdekje kurrë
Shpirti tij qëndron tek zoti