Oleksandra dhe Mykhailo Kravchenko janë dy fëmijë, të sapo mbërritur nga Ukraina🇺🇦 në Sarandë.
Ata filluan mësimin në shkollën “9 Tetori”, datë që mbart simbolikën e çlirimit të qytetit tonë, me shpresën e mirë, se së shpejti do të kthehen në atdheun e tyre të çliruar.
Gjetën mikëpritjen, ngrohtësinë dhe solidaritetin e bashkëmoshatarëve të tyre, mësueseve, stafit drejtues të shkollës, si dhe mësueseve të gjuhës ruse, të cilët edhe pse në pension, u vetëofruan me asistencë për fëmijët.
Isha sot aty,me punonjësit e Drejtorisë së Kujdesit Social dhe të Drejtorisë Ekonomike Arsimore të Bashkisë, për t’i asistuar, me mjetet e nevojshme didaktike dhe me një kontribut modest financiar, në këto momente të vështira dhe duke i siguruar ata, prindrit dhe të afërmit e tyre, që do të jemi pranë dhe solidarë në çdo moment
#solidaritet🇦🇱🇺🇦
#paqejoluftë”, shkruan në faqen e tij kryetari i bashkisë, Adrian Gurma.
