- Advertisement -
Këshilli Kombëtar i Rregullimit të Territorit ka miratuar ndryshimin e subjektit zhvillues për objektin “Resort Turistik 2, 3 dhe 4 kate me parkime nëntokë “Manastiri Resort”, me vendndodhje në plazhin e Manastirit.
Ky resort nga ana e qeverisë fitoi statusin e investimit strategjik në fund të 2021-it me një vendim të Komitetit të Investimeve Strategjike. Projekti zë një sipërfaqe zhvillimi prej 53,467 m², në Zonën Kadastrale 2297, në Ksamil, Bashkia Sarandë.
Vlera e investimit, sipas dokumenteve, vlerësohet në 28 milionë euro dhe kompania e cila ka fituar statusin është ALB-Star i Sadik dhe Idajet Ismailaj.
