Ministrja e Shëndetësisë dhe Mbrojtjes Sociale, Ogerta Manastirliu ka njoftuar ditën e sotme se doza e tretë e Vaksinimit ne shqiperi ka vazhduar për grupmoshat 60-vjeç e lart, por do të vazhdojë edhe për mjekët. Gjatë fjalës së saj në Komisionin Punën, Çështjet Sociale dhe Shëndetësinë, Manastirliu njoftoi se do të vijojë së shpejti vaksinimi me dozën e tretë të vaksinave anti-covid edhe për personelin mjekësor.
Ka filluar doza booster apo doza e tretë për grupmoshën +60 vjeç dhe paralelisht edhe për personelin mjekësor.Që në datë 13 mars ka filluar vaksinimi i mësuesve dhe i pedagogëve. Kemi vijuar jo vetëm me vaksinimin në shkollë por gjithashtu dhe me vaksinimin në universitetet. Deri më sot janë vaksinuar 28,512 mësues. Kemi një mbulesë të mirë vaksinale përsa i përket vaksinimit me dozën e parë dhe të dytë, mbi 90% të mësuesve të shkollave fillore dhe të mesme rezultojnë pra të vaksinuar me një dhe dy doza.”
/sarandalife.al/
