Këtë javë Inspektoriati Kombëtar i Mbrojtjes së Territorit është zhvendosur në jug të vendit.
Në zonën e Sarandës janë prishur dy objekte, një skelet metalik dhe një shtëpi në Vrion.
Ditën e sotme IKMT ka zhvilluar aksionin e saj në Palasë, ku nga pamjet e shpërndara prej këtij institucioni në Facebook u prish një ndërtesë një katëshe e papërfunduar.
Ministri i Brendshëm, Bledi Çuçi, theksoi gjatë muajit tetor se puna do të përqendrohej në bashkitë Vlorë, Himarë dhe Sarandë. Ndërkohë në ditët e para të nëntorit fadromat e IKMT janë rikthyer në Sarandë.
Çuçi shtoi se, nuk kemi të bëjmë me një aksion, por është një punë e vazhdueshme për të ushtruar kontroll më të mirë të territorit dhe për të çliruar pasurinë tonë të përbashkët nga zaptuesit.
Në fazën e parë të operacionit “Bregdeti ynë” që nisi në muajin qershor u shembën mbi 130 ndërtime pa leje, u vendosën rreth 132 milionë lekë gjoba për 86 subjekte, si dhe u arrestuan e u ndoqën penalisht dhjetëra persona.
/sarandalife.al/
