Ndeshja e javës së pestë në Kategorinë e Dytë mes Delvinës dhe AF Elbasanit u ndërpre pas 50 minutave lojë.
Ndeshja e javës së pestë në Kategorinë e Dytë mes Delvinës dhe AF Elbasanit u ndërpre pas 50 minutave lojë (0-0). Arbitri kryesor i ndeshjes, fieraku Xhulio Agolli u godit me sende të forta nga tifozët vendas këtë të diel.Të ndodhur pas porte dhe jashtë rrethimit të fushës, tifozët kanë goditur kryesorin e takimit, me lojtarët që sinjalizuan për ndihmë.
Vendasit pretenduan penallti në minutën e 48 të ndeshjes, me arbitrin që vijoi lojën. Të acaruar me vendimin, tifozët vendosën ta katranosnin dhe të ndërprisnin ndeshjen me dhunën ndaj arbitrit, duke rikthyer dhunën në futbollin shqiptar. Gjyqtari u shoqërua për mjekim në spital, me goditjen që duket se ka qenë e fortë. Pas ndërprerjes së takimit, AF Elbasani pret tri pikët dhe fitoren 0-3 në tavolinë. Kjo nuk është hera e parë që në stadiumin e Delvinës ndodhin ngjarje skandaloze, që nuk kanë lidhje me futbollin. Kjo është fyryra më e shëmtuar e tifozerisë delvinjote e cila si duket nuk ka vënë mënd kur para pak kohësh fusha u dënua nga Federata dhe ndeshjet ekipi i “Bistricës”i zhvillonte jashtë fushës dhe aq më tepër kur akoma dhe kësaj dite ka tifoz të dënuar që vuan dënimin me burg. U gëzuam të gjithë kur ekipi u ngjit një kategori më lartë, por ja që ka një tifozëri që nuk do që ekipi i futbollit të jetë sa më mirë, por e duan sa më shumë në fund në humnerë.