Bien nga lartësitë dy persona, transportohen në spitalin e Sarandës.

Dy persona janë transportuar brenda pak orësh të plagosur në urgjencën “Stefan Mekshi” në spitalin e Sarandës. Nga Borshi ka ardhur i plagosur Jurian Gjini, 28-vjeç, banues në Lushnje. Ai mësohet se ka rënë nga një pemë dhe ndodhet nën kujdesin e mjekëve. Ndërkohë në spital ka mbërritur i plagosur edhe Aqif Garo, 40-vjeç, banues në fshatin Çukë,Sarandë. Garo mësohet se ka rënë nga tarraca e një objekti të cilin ishte duke e pastruar. I plagosuri ka dëmtime në pjesën e gjoksit. Policia ndërkohë ka nisur hetimet për të dyja ngjarjet.