Dëme të mëdha janë shkaktuar ditët e fundit në bashkinë e Finiqit pas fenomeneve të rënda atmosferike që goditën zonën.
Lumenjtë kanë dalë nga shtrati duke shkaktuar përmbytje dhe duke ndërprerë qarkullimin e automjeteve, ndërsa vendbanimet janë bllokuar nga rrëshqitjet e dherave të ndodhura në rrjetet kryesore rrugore.
Shërbimi Teknik i Bashkisë dhe emergjenca civile që në momentin e parë ka qenë në zonat e prekura, për vlerësimin e situatës. Pas vlerësimit të situatës në gjithë territorin me problemet e rënda që la pas moti i keq, po punohet për të rikthyer qarkullimin normal të mjeteve.
Sipas kryetarit të bashkisë së Finiqit, Kristo Kiço, i cili koordinoi të gjithë operacionin, rreshjet intensive kanë shkaktuar probleme në komunitetet Leshinicë, Pecë, Dhrovian, Mesopotam-Brajlat, Livadhja-Sminec.
/sarandalife.al/
