Ditën e djeshme u zhvillua dëgjesa e radhës për Projekt Buxhetin 2022, me banorët e fshatrave Lefterhor dhe Sopot (Varfaj) nga ana e Këshillit Bashkiak Delvinë.
Kërkesat që ngritën banorët e fshatit Lefterhor ishin problemi i ujit të pijshëm, përmirësimi i ndriçimit, betonizimi i rrugëve të brendshme.
Po të njëjtat ishin dhe kërkesat që ngritën banorët e fshatit Sopot (Varfaj). Ata kërkuan rregullimin e furnizimit me ujë të pijshëm pasi marrin ujë njëherë në 15 ditë.
Gjithashtu banorët kërkuan të betonizohet pjesa e mbetur e rrugës Lefteror – Sopot (Varfaj) dhe ndriçimin e rrugëve të brendshme.
Të zgjidhet problemi i kullotave për blegtorët (mushahu fshatit) dhe kërkuan dru për ngrohje.
Pjesë e dëgjesës publike ishte dhe këshilltari Luan Selimi. Këshilli bashkiak i Delvinës do të bejë transparente çdo kërkesë të qytetarëve dhe do të ndjekë të gjitha hapat e nevojshme proceduriale deri në formatin final të buxhetit për të qenë sa më pranë kërkesave të qytetarëve. /sarandalife.al/